Fangowasaini Misa
Misa (ma Fangowasaini Misa) no töi wangandrö ba fanunö, bakha khönia so wamahowu'ö roti ba agu tobali boto ba do Keriso. Fanötöi andre asese te'oguna'ö bakha ba Gereja Katolik awö bakha ba Gereja Ortodoks, heŵa'ae so ösa Gereja Anglikan awö Gereja Lutheran sangoguna'ö ya'ia. Töi sabölö faudu moroi ba Misa ya'ia da'ö Ekaristi ma Fangowasaini Ekaristi. Bakha ba Gereja Protestan latötöi ia femanga gö ni'amoni'ö. Bakha ba zura andre edöna mufa'oli fefu ngawalö nifa'anö soguna ba wangowasaini Misa ma Ekaristi andrö. Ae ba Fangowasaini Ekaristi ba wombaso geluaha wangowasaini Misa.
Oroita wehede bulö'ö
Fehede misa tehalö moroi ba li Latin missa (li Indonesia misa), nibörögö te'oguna'ö me ngaotu ndröfia si-6. Moroi ba ŵa'a wehede andre tehalö wehede misi, eluahania tefatenge ba wanuriaigö Turia Somuso Dödö.
Ba wangasiwai gowasa Ekaristi iŵa'ö ere, Ite, missa est eluahania Lau mi'ofanö. No tefatenge ami. Ba da'ö göi oroma khöda wa fehede ekaristi abölö faudu, me da'ö duho wangowasaini Ekaristi, ya'ia da'ö fangandrö saohagölö sebua börö wangöhöli ba fangorifi nitema niha bakha ba mboto ba ba do Yesu.
Angolifa bulö'ö
1. Famokai
2. Liturgi Taromali
- Fombaso si sara
- Fombaso si dua (itaria lalalöi)
- Fombaso Injil
- Huhuo Sebua (ma Homili)
- Tuho Wamati (itaria lalalöi)
- Fangandrö Niha Samati
3. Liturgi Ekaristi
- Fama'anö
- Fanuno Ni'amoni'ö
- Fangandrö Saohagölö Sebua
4. Fanema Komuni
- Fangandrö He Ama Khöma
- Fangandrö Ono Mbiri-biri Lowalangi
- Fanema Komuni
5. Fangasiwai
Ngawalö zoguna bulö'ö
Buku bulö'ö
- Buku Fangowasaini Ekaristi (li Latin Missale Romanum)
- Buku Fombaso Taromali (ma zui Sura Ni'amoni'ö)
Fakake Misa bulö'ö
- Siborium: nahia roti sigide-ide khö niha samati
- Patena: nahia roti sebolo khö ndra ere
- Piala: nahia nagu sedöna mufahowu'ö bakha ba Ekaristi
- Palla: nukha si öfa sagi ni'abe'e'ö ni'oguna'ö ba wolagö'ö Piala
- Korporale: nukha ni'oguna'ö tobali dane-dane Siborium ba Piala
- Purifikatorium: nukha ni'oguna'ö ba wangokoli Piala
- Hosti: roti nifazökhi soguna ba wangowasaini Ekaristi (tenga roti ni'amawa ba fasa). Ba Danö Niha tefazökhi roti simane andre ha ba biara Santa Klara, Jln Nilam, Gunungsitoli.
- Agu: idanö nagu ni'oguna'ö ba wangowasaini Ekaristi
- Ampul: nahia nidanö ba agu
- Lavabo: nukha ba wangokoli aefa wanasa tanga gere
- Piksis: nahia Komuni ni'ohe ba zo fökhö ba nomo
Nukha gere bulö'ö
- Nukha fombalugö altar
- Amice (li Latin amictus, li Inggris amice)
- Alba (li Latin alba, li Inggris alb)
- Stola (li Latin stola, li Inggris stole)
- Kasula (li Latin casula, li Inggris chasuble)
- Singel (li Latin cingulum, li Inggris Cincture)
Nukha genoni misa bulö'ö
- Alba (li Latin alba, li Inggris alb)
- Superpli (li Latin superpelliceum, li Inggris surplice alb)
- Mozeta (li Latin/Inggris mozzetta)
Sura si fakhai bulö'ö
Umbu bulö'ö
Wikipedia no halöŵö nifalului zato.
Tolo Wikipedia ba wanohugö wanura ya'ia, na so khöu onönöta nösi. Saohagölö.