Hoya (sinumbua)

Hoya
Klasifikasi ilmiah
Kingdom:	Plantae
Divisi:	Magnoliophyta
Kelas:	Liliopsida
Order:	Arecales
Famili:	Arecaceae
Genus:	Oncosperma
Spesies:	O. tigillarium
Nama binomial
	Oncosperma tigillarium; (Jack) Ridl.
Sinonim
	O. filamentosum ;

Hoya ma ba döi ilmiah Oncosperma tigilarium ya'ia da'ö sambua döi zinumbua so töla si fakhili-khili ba nohi. Hiza töla hoya andre, sageu ya'ia doi. Ba Danö Niha, asese so wanötöi simane; mowa hoya.

Khala-khalania

Töla hoya tola alaŵa irege 12m (itaria göi irugi 30m). Sandrohu dölania afönu ndroi satarö, fa'esolo dölania simane fa'esolo döla wino (Ø 12cm irugi 20cm). Buania hulö mbua wino fa'egebuania ide-ide ya'i moroi ba mbua wino (Li Indonesia pinang). Bulunia fakhili ba mbulu nohi.^[1]^[2]^[3]^[4]

Töi

Töinia ba Li Indonesia nibung eluahania ndroi, börö me no oi mondroi sagötö dölania. Ba Filipina latötöi ia anibung.

Nahia asese tumbu ia

Si to'ölönia tumbu hoya ba gatua töra-töra ba nahia sadawa-dawa solaza-laza simane ba zinga nasi ma bazinga nidanö, tesöndra ia göi ba danö Vietnam Selatan, ba danö Kamboja, Filipina, Malaysia ba ba Indonesia.^[5] Itugu alö wa'oya hoya börö wamokai gatua.

Guna

Ba Danö Niha töla hoya la'oguna'ö ia tobali döla-döla nose, danga wato, gari hoya, sula mbanio, gasö nomo, fanulagö duwu-tuwu, famagaölö ma famakhai mbalö lambe-lambe ba domosa nomo hada ba Huku Hada Laraga, ba tanöbö'önia. Ba soi Kamboja la'oguna'ö hoya andre tobali laso-laso ba womagönö idanö ma zui tobali fafa awö tobali likhe ni'oguna'ö ba wayo. Itaria göi la'oguna'ö mbuania sowuge'e na sa tobali fangali wino ba nafo.^[4]

Kio-kionia ma howunia tola göi tobali diwo ma ö.^[6]

Umbu

↑ "Palm & Cycad Societies of Australia, Oncosperma tigillarium". Arsip moroi versi asli irugi 2012-03-25. Mufaigi me 2021-05-17.
↑ Henderson, A. (2009). Palms of Southern Asia: 1-197. Princeton university press, Princeton and Oxford.
↑ Barfod, A.S. & Dransfield, J. (2013). Flora of Thailand 11(3): 323-498. The Forest Herbarium, National Park, Wildlife and Plant Conservation Department, Bangkok.
↑ ^4,0 ^4,1 Dy Phon, Pauline (2000). Plants Used In Cambodia/Plantes utilisées au Cambodge, Imprimerie Olympic, Phnom Penh. hlm. 479.
↑ Kew World Checklist of Selected Plant Families
↑ Hargreaves, Dorothy; Hargreaves, Bob (1970). Tropical Trees of the Pacific. Kailua, Hawaii: Hargreaves. hlm. 43.

[1] "Palm & Cycad Societies of Australia, Oncosperma tigillarium". Arsip moroi versi asli irugi 2012-03-25. Mufaigi me 2021-05-17.

[2] Henderson, A. (2009). Palms of Southern Asia: 1-197. Princeton university press, Princeton and Oxford.

[3] Barfod, A.S. & Dransfield, J. (2013). Flora of Thailand 11(3): 323-498. The Forest Herbarium, National Park, Wildlife and Plant Conservation Department, Bangkok.

[DyPhon-4] 4,0 ^4,1 Dy Phon, Pauline (2000). Plants Used In Cambodia/Plantes utilisées au Cambodge, Imprimerie Olympic, Phnom Penh. hlm. 479.

[wcsp-5] Kew World Checklist of Selected Plant Families

[6] Hargreaves, Dorothy; Hargreaves, Bob (1970). Tropical Trees of the Pacific. Kailua, Hawaii: Hargreaves. hlm. 43.

[1]

[2]

[3]

[4]

[5]

[6]