Ohi

Sinumbua sanau töla sobua banio

Ohi ma ba li Latin Cocos nucifera no sambua zinanö si tefaböbö ba mado Cocos, si tumbu ba Indo-Pasifik ba ba Amerika Selatan. Oya auri ia ba zinga nasi. Tölania abe'e sibai ba alaŵa. Oya sibai gunania ba wa'auri niha, tölania tola möi dela ma soroso, tola möi ia tobali döla-döla nomo, ehomo, ba tanö bö'önia. Bulunia sawuyu nasa nifotöi lehe-lehe asese te'oguna'ö ba wamazökhi tamböyö. Bulunia si no oköli tola tobali solo ba zi bongi. Lehe-lehe soköli nifotöi sandrari tola la'oguna'ö ba wamoloi ndri, sito'ölönia na möi milo ma zui ba naha gowi. Sawu mbanio ba likhe nohi tola labali'ö ezoi. Ösi mbanio tola la'oköli'ö tobali kopra, moroi khönia lafarö wanikha sasese te'oguna'ö ba wangomuhua boto (parfum ba kosmetik), ma zui tobali fangali gö soya bakha kalori, ba so göi ni'oguna'ö tobali fanikha moto.[1]

Töla nohi

Töi ohi ba banioSunting

Ba li Niha no mufabö'öni wanötöi nohi moroi ba mbuania nifotöi banio. Ba li bö'ö simane li Indonesia lö lafö'öni döinia. Eluahania na laŵaö kelapa ba li Indonesia tola eluhania ohi (pohon kelapa) ma zui banio (buah kelapa).

Nahia soya auri iaSunting

Sinanö ohi oya auri ba ngai nasi. Ba Danö Niha tehöngö oya auri nohi ba hulo Hinako, ba Nias Utara ba Nias Selatan.[2]

 
Ohi


UmbuSunting

  1. Knalpot Ubah Minyak Kelapa, mufaigi me 24 Juli 2010 (Li Indonesia)
  2. Dewantoro (23 Mei 2013), Sumut Miliki Tiga Daerah Sentra Produksi Kelapa, mediabisnisdaily.com, mufaigi me 3 November 2020.