Wikipedia:Sura amilita/31

Fulu Goroisa Lowalangi no sambua gangowuloa fulu goi-goi si tobali dane-dane wamahaö lala wa'auri fefu agama nifotöi agama si fakhai khö Gaberahamo (Yahudi, Niha Keriso ba Islam). Molo'ö Zura Ni'amoni'ö, oroisa andrö no ifa'ema Lowalangi khö Moze, ba no isura ia Moze ba dete gara wanura. Börö da'ö itaria göi tefotöi ia Kara Wanura Huku ma ba Li Ibrani לוחות הברית (lûḥōt habbǝrît) eluahania kara wanura amabu'ula.

Bakha ba Gereja Katolik fulu goroisa no tobali dane-dane fefu wamaha'ö. Na mangaku horö ira ba lasekhegö dödöra molo'ö zi fulu goroisa. Na omasi lasofu hadia zöndra Gereja ba gofu hadia ia zalua ba niha (fangetu'ö halöŵö ba politik, famunu niha, korupsi, fangosawuyu, fangaekhugö nono, fasuwöta, btn.) ba silötolalö'ö lasofu hadia zi no ifakhoi Lowalangi ba zi fulu goroisa andrö. (Baso fulu goroisa molo'ö teologi ba da'a.)