Wikipedia:Sura amilita/34

Fangesa Sebua, ma sabölö fagönania Fangesa Dödö Sebua no töi nibe'e ba ginötö 1915-1930 me alio muzawili Duria Somuso Dödö ba zi sagörö Tanö Niha irege ba ginötö si lö arara ato Nono Niha tobali niha Keriso.

Me luo da'ö no 50 fakhe wa'ara me no tohare misi Protestan ba Danö Niha, bahiza hulö na ambö mowua halöŵö ndra falito andrö. Samösa ba gotalua ndra falito andrö sotöi J.A. Fehr manura simane me 1890: Alimagö me Ono Niha hulö wa sindruhu lö ba dödöra wangata'ufi Lowalangi. Irugi da'ö ha itaria ba gotalua Nono Niha so zi tobali niha Keriso, sato latohugö wolo'ö famati Nono Niha, ya'ia da'ö solohe adu.

Ba i'anema'ö tohare wangesa dödö si muzawili hulö galitö ba zi sagörö Tanö Niha. La'olembai wamati khö Keriso niha, ba lafakiko fefu zi fakhai ba wamatira föna, ya'ia da'ö folohe adu. Waö-waönia awö lua-luania? (Baso dohu-tohunia)