Wikipedia:Sura amilita/37

Tuo no ngawalö nibadu nihalö moroi ba hakhi mbua nohi ma hakhi mbua nakhe ba so khönia bakha alkohol. So dombua ngawalö ia, tuo mbanua ba tuo nifarö. Tuo mbanua no tuo sawena muhalö moroi ba nakhe, si lö nasa mufarö. Mo'amböta mbosi wa'oya alkohol khönia. Bahiza na no lafarö ia, tobali alaŵa sibai mbosi wa'oya alkohol khönia (arakhagö 100%) ba lafotöi ia tuo nifarö.

Me föna asese labadu duo niha, töra-töra duo nifarö, ena'ö tobali mabu ira. Bahiza iada'a ta'ila ba mbanua segebua misa, wa mamadu simane duo no sambua usola dödö (li Inggris entertainment). Lö moguna tobali mabu, bahiza irege tola murasoi wa'ami dödö ba wahuhuosa ba ba raso nibadu. Börö da'ö oya sibai ngawalö nibadu si so ha ma'ifu alkohol khönia bakha. Asese lafaruka ia faoma ö bö'ö, so raso ndrima (labe'e bakha ma'ifu ndrima), so raso lase, so raso mago, so raso gae, btn. Da'a no tobali bisnis sebua nifotöi beverages ba li Inggris.

Na tola lalau zimanö niha bö'ö, harumani tebai göi lalau ia Ono Niha na so zangodödögö wolau ya'ia. Tola lafazökhi nibadu simane tuo si ha ma'ifu so bakha alkohol irege lö mabu niha ba börö da'ö lö tefaböbö ba nifotöi minuman keras ba li Indonesia. Duma-dumania tola lafazökhi duo raso ndruria (lafuraka ma'ifu duria), tuo raso gae (lafaruka ma'ifu gae), tuo raso wakhe (lafaruka ma'ifu mböra), btn. Na so zamörögö wolau da'a, ba tola tobali ia famobörö bisnis duo ba Danö Niha. (Baso dohu-tohunia)