Tetehösi, Mandrehe
Tetehösi no sambua desa ba Kecamatan Mandrehe, Kabupaten Nias Barat. Kodenia ba wamatörö Indonesia 12.25.05.2015.[3] Banua da'e ba no sambua ba gotalua zi 20 banua si so bakha ba kecamatan Mandrehe. Fa'ebolonia 1,88 km (kilo meter) ma 2,42 % moroi ba wa'ebolo kecamatan Mandrehe[4]. Banua andre ba no so ia ba hulu hili-hili simane sifagölötö mbanua ba zi sagörö Tanö Niha. Fefu nomo no tefa'oli fatahö-tahö ba so göi zi fasaule-saule. Ewali nomo si sandrohu banua ba no tobali lala göi ia ba wamakhai omo faoma omo ba banua bö'ö si so ba zi fasui.
Tetehösi Tetehosi | |
|---|---|
Desa | |
 Peta desa Tetehösi | |
| Negara | Indonesia |
| Provinsi | Sumatra Utara |
| Kabupaten | Nias Barat |
| Kecamatan | Mandrehe |
| Fa'ebolo | |
| • Fefu | 1,88 km2 (0,73 sq mi) |
| Sowanua (2019)[2] | |
| • Fefu | 798 niha |
| • Fa'afasösö | 424,46/km2 (1,100/sq mi) |
| Kode pos | 22862 |
| Kode Kemendagri | 12.25.05.2015 |
Banua si faola ba mbanua Detehösi, ya'ia da'ö Aramba ba Hiligoe ba gatumbukha Iraonogambö ba Tumöri Faekhu ba gaekhula, Holi ba Zuzundrao tanö yöu ba Lasarabaene tanö raya.
Molo'ö data Mandrehe Dalam Angka 2020, fa'ato niha ba Detehösi so 798 niha. Ba gotalua da'ö so 393 ndra matua ba 405 ndra alawe.[5]
Böröta Döi Tetehösi
bulö'öFatua lö famatörö Balandra ba Indonesia ba ba Danö Niha, töi mbanua nifotöi Tetehösi andrö, ya'ia da'ö Fadoro Lölözasai. Fa'ateŵu'a döinia tobali Tetehösi mo'amakhaita ia ba ŵamunu Marasusi, nifotöi Horö Daŵa[6]. Me luo da'ö so tölu banua zamagölö tödö (dombua banua tanöbö'ö, ya'ia da'ö Iraonogambö ba Sisarahili I) ba ŵamunu Marasusi, faosatö zamatörö Balanda ba Danö Niha nifataro ba Mbanua Lahagu.
Me no aefa labunu Marasusi ba lagohi-gohi manö ira samatörö edöna lara'u ba lahuku molo'ö goi-goi si no tehonogöi ba wamareta Belandra meluo da'ö. Börö wa'ata'ura zanguhuku da'ö ba labini-bini'ö göi ira ba dalu gatua ba ŵangaröu'ö ya'ira ba danga zamatörö. Ena'ö aefa ira ba wolohi-lohi zamatörö Balandra ba emane khöra tua Falito Geremani, Fandrita Zendering H. Lageman, ena'ö laröi mbanua Hiligoe ba lasawa mbanua Si sarahili I. Ŵaö-ŵaö wamunu Marasusi andrö ba tefatunö ia ba zinura tanöbö'ö.
Niha mbanua
bulö'öNiha mbanua Detehösi tola tewa'ö oi sifatalífusö manö. Oroma da'e ba mado niha mbanua. Arakhagö fefu Niha Detehösi ha mado Gulö. Na so mado tanöbö'ö ba lö ato, mato dombua ma tölu ngambatö si mane mado Zai, Mado Hia, btn. Mado andrö ha sifateŵu ira ba Detehösi börö ŵamakhai sitengabö'ö ba zi samö-samösa niha ba Detehösi.
Umbu
bulö'ö- ↑ BPS Kabupaten Nias Barat (2020), Kecamatan Mandrehe Dalam Angka 2020, nga'örö 40.
- ↑ BPS Kabupaten Nias Barat (2020), Kecamatan Mandrehe Dalam Angka 2020, nga'örö 40.
- ↑ Peraturan Menteri Dalam Negeri No.72 Tahun 2019 (PDF), Kementerian Dalam Negeri, nga'örö 562. (Li Indonesia)
- ↑ Kecamatan Mandrehe dalam Angka, Tahun 2020, Badan Pusat Statistik Kabupaten Nias, nga'örö si 6
- ↑ ibid., nga'örö 38
- ↑ Talihuku Gulö (2003), Sura Hikaya ba Amakhoita Hada Nifakhoi Zi Lima Ina ba Wondrakö Moro'ö, Tetehösi Mandrehe, dokumen pribadi, nga'örö 41