Ndriwo no fehede ni'oguna'ö niha ba Danö Niha ba nagole si tobali faosatö gö na manga ira. Nagole andre tola nagole mbawi, manu ma i'a ma tanö bö'önia. Me föna ha ŵaraö so ndriwo me lö lala wangirö'ö ya'ia. Ha i'a soköli zi tola la'irö'ö ara ba nomo ba tobali ndriwo sasese so ba mbanu-banua misa. Baero da'ö awena so ndriwo, ha na la'odödögö wamahö manu ma zui bawi ba urifö bö'ö. Ma zui na so walöŵa ba owasa bö'ö ba mbanua. Na ambö wemanga nagole ba mo'amböta ba mboto nifotöi zat besi. Lö ta'ila na da'ö göi mbörö wa asese so wökhö nifotöi anaemia ba Danö Niha me föna, ya'ia na lö döla-döla, adogo-dogo hanu-hanu ba mamözi-mözi dödö. Ma'ökhö ta'ila wa heŵa'ae lö manga ndriwo ma nagole niha, tola te'a'asogö zat besi soguna ba mboto na tobönö la'a nandröta, toru, höwa, ngawalö harita ma zui ngawalö mbulu-geu sowuge'e bö'ö. (Baso dohu-tohunia)