Koendrafö
Koendrafö ya'ia da'ö no sambua desa ba Kecamatan Lölömatua, Kabupaten Nias Selatan. Da'e Kodenia ba wamatörö Indonesia 12.14.01.2006.[2] No so ia ba gotalua mbanua Tesikhöri tanö yöu, Hilifaondratö tanö ba gatumbukha, Hili'otalua tanö raya ba Lawalawaluo tanö ba gaekhula.[3]
Koendrafö Koendrafo | |
|---|---|
Desa | |
 Peta desa Koendrafö | |
| Negara | Indonesia |
| Provinsi | Sumatra Utara |
| Kabupaten | Nias Selatan |
| Kecamatan | Lölömatua |
| Sowanua (2023)[1] | |
| • Fefu | 980 niha |
| Kode pos | 22867 |
| Kode Kemendagri | 12.14.01.2006 |
Sowanua
bulö'öMolo'ö data statistik moroi ba ndröfi 2023 so 980 niha ba Goendrafö, ba gotaluara so 509 ndra alawe ba 471 ndra matua.[1]
Ngawalö zoguna ba zato
bulö'öBa Goendrafö so sambua sekola SD, sambua SMP ba sambua SMA.[4] Tola te'erai mbanua andre si tedou moroi ba mbanua tanöbö'ö, börö wa'oya zekola si so khönia.
Molo'ö data BPS Kabupaten Nias Selatan 2023 ba no afökhö we'amöi ba gödo zofökhö moroi ba mbanua andre, börö me aröu sibai. Simanö göi nahia wanabina awö poliklinik ba apotik, heŵa'ae so sa puskesmas ba zahatö.[5]
He na aröu khönia ngawalö wanolo ba si fakhai ba wökhö, so sa'atö ba khönia sambua harimbale si tobali nigamö fefu mbanua si fasui.[6] Töra moroi ba da'ö so göi sambua koperasi nifotöi Koperasi Simpan Pinjam Pengembangan Pedesaan (KSP3) soguna sibai ba wondrou'ö lala wangalui niha.[7]
Baero da'ö so ba Goendrafö sambua gereja Gereja Katolik, dombua gosali Protestan BNKP ba mato ha'uga ngawua gosali sekte[8] Protestan sigide-ide.
Oya nasa nomo si lö manöndra haga listrik ba desa andre. Ha 207 omo zi so listrik.[9] So göi sambua malige BTS (li Indonesia menara HP) ba mbanua andre, bahiza asese aetu khai-khai HP ba malige BTS andrö.[10]
Famatörö
bulö'öBa ginötö wamatörö niha Belanda me tefasindro afdeeling Nias ba ndröfi 1919, Koendrafö tefaböbö ba Onderafdeeling Zuid Nias (Nias Selatan) ba Onderdistrik Lölöwa'u. Simanö göi me no merdeka[11] Indonesia, me Onderdistrik Lölöwa'u tobali Kecamatan Lölöwa'u, toröi manö Goendrafö ba gölana Lölöwa'u.[12]
Me 1996 me tefasindrö Kecamatan Lölömatua, ba ba ginötö da'ö tefawu'a Goendrafö tobali ngaro Kecamatan Lölömatua si no fahatö sibai.
Ni'osatuagö
bulö'öHerman Laia, S.H., M.Hum., (★ 22 Juni 1953, † 11 Agustus 2017) no samösa guru sebua ba no göi irai tobali ia dekan[13] ba Fakultas Hukum Univesitas Katolik Medan (UNIKA) (1985-2004), anggota DPRD Sumatera Utara (1997-1999). Herman andre no göi samösa moroi ba zi hadauga niha sangodödögö wanga'asogö Kabupaten Nias Selatan (ba ginötö da'ö lafotöi ia pemekaran moroi ba Kabupaten Nias), da'ö göi mbörö wa latuyu ia Ketua Bamus Pernis (2001-2005), sambua organisasi sama'anö fefu hadia ia ena'ö tola tefasindro Kabupten Nias Selatan. Me mowua halöŵöra ba tefasindro Kabupaten Nias Selatan ba ndröfi 2003, tobali ia Kepala Bappeda Kabupaten Nias Selatan (2004-2008). Aefa da'ö igogohe oya ngawalö halöŵö ba wamatörö Kabupaten Nias Selatan irege molombase ia 2013 börö wökhö mboto.
Umbu
bulö'ö- ↑ 1,0 1,1 BPS Kabupaten Nias Selatan (2023), Kecamatan Lolomatua dalam angka 2023, nga'örö 17
- ↑ Peraturan Menteri Dalam Negeri No.72 Tahun 2019 (PDF), Kementerian Dalam Negeri, nga'örö 474. (Li Indonesia)
- ↑ Kecamatan Lolomatua dalam angka 2020, nga'örö 6.
- ↑ Kecamatan Lolomatua dalam angka 2023, nga'örö 23-27
- ↑ Kecamatan Lolomatua dalam angka 2023, nga'örö 39
- ↑ Kecamatan Lolomatua dalam angka 2023, nga'örö 67
- ↑ Kecamatan Lolomatua dalam angka 2023, nga'örö 72
- ↑ Lafotöi "sekte" fefu gereja sifabali moroi khö gereja bö'ö. Duma-dumania Gereja AFY no sifabali moroi khö Gereja BNKP. Börö da'ö AFY no sambua sekte. Oya sibai sekte Gereja Protestan, he ba Danö Niha ba he ba nahia bö'ö, börö me aoha sibai khöra wamasindro angowuloa si bohou na so zi fatuwu ba dödöra ba gereja si so ya'ira.
- ↑ Kecamatan Lolomatua dalam angka 2023, nga'örö 74
- ↑ Kecamatan Lolomatua dalam angka 2023, nga'örö 85
- ↑ Lafotöi "merdeka" sambua negara na aefa ia moroi ba wamatörö negara bö'ö. Duma-dumania gölana niŵa'öda Indonesia iada'a so ia meföna barö wamatörö Hindia Belanda. "Merdeka" ia me 1945, eluahania i'efa'ö ia moroi ba wamatörö Hindia Belanda.
- ↑ Fitri Indra Wardhono, Profil Wilayah Kabupaten Nias Selatan, mufaigi me 31 Oktober 2020, nga'örö. 3-6
- ↑ Lafotöi "dekan" (ma abölö faudu "dekanus") samösa niha si tobali sondrönia'ö sambua fakultas ba sambua sekola Universitas ma Perguruan Tinggi. Ba universitas ma perguruan tinggi so oya fakultas. Ba sambua fakultas lafalua wamahaö si te'oniagö ba zi sambua tuho wamahaö, duma-dumania tuho wamahaö ba fakultas hukum ya'ia fefu zi fakhai ba huku, ba fakultas ekonomi ya'ia fefu zi fakhai ba waniaga, btn.
Khai-khai baero
bulö'ö