Tuho Wamati

Tuho Wamati, na ta adogo-dogo wamo'eluaha ya'ia ba to la tamane döla-döla ba ni farisayoi. Hiza, tuho wamati andre ba no tobali dane-dane ba wamalua fefu angowuloa wangahaogö osali. Ba fefu gosali sino so barö mbawa wamatörö goi-goi angowuloa gosali, si lö tola lö'ö wa la o'ö duho wamati sino la tatugö i'otaria meföna. Tuho nia ya'ia da'ö ba wo fatunö wa ya'ita mamati khö Yesu Keriso, Ono Lowalangi, ba khö Geheha ni'amoni'ö. Da'a göi na tafaigi sambua fangöna khöda ba wangorudugö fefu zi fabö'ö, irege osali fefu gofu hezoso so'ia, asala farisayo ba duho wamati andre, ba no sisambua ita ba khö Yesu. Tuho Wamati andre ma lawa'ö ia ba li Indonesia ya'ia da'ö "Pengakuan Iman Rasuli" no sambua lohe-lohe niha samati ofeta ma'ökhö. Tuho Wamati andre ba la tötöi ia ba li bö'ö. li Latin ya'ia Credo Apostolicum. Ba fefu niha keriso ba no latema duho wamati andre sitobali dane-dane ba wamalua angowuloa ba mbanua niha keriso. [1]

Tuho wamati andre, ba niha keriso, sambua si lö tola lö'ö lafati, me no tobali dane-dane wamati khö Zoaya, khö Yesu Keriso, ba khö Geheha Ni'amoni'ö. Eluahania, si'oföna sibai famati khö Zo'aya ba wanuturu lala wa Lowalangi zomböi Niha faoma ngawalö hadia ia ba danö, aefa da'ö famatö khö Yesu Keriso, ba wangombakha wa Yesu Keriso zangefa'ö niha ba huku horö, Famati ba Geheha Ni'amoni'ö, ya'ia da'ö ba wanolo niha samati ena'ö idugu atulö ba wa'auri ba gulidanö. [2]

Tuho Wamati ba Daromali[3]Sunting

Da tafaigi ayati daromali sifakhai ba Duho Wamati Niha Keriso, simöi famahatö niha khö Lowalangi;

  1. Ya'o mamati khö Lowalangi Ama, si lö ambö fa'abölö ( Aku percaya kepada Allah, Bapa Yang Maha Kuasa ),
    • ba khõda sa, ba ha sambua Lowalangi, Ama andrõ, ba zi otarai fefu hadia ia, ba ya'ita, ba ba khõnia ita ba ha samõsa Zo'aya, Yesu Keriso, sama'ema fefu hadia ia, ba ya'ita, ba moroi khõnia. 1 Korindro 8:6
    • Alafa ndra'o ba omega ndra'o, iw̃a'õ So'aya Lowalangi, si so, ba si no so fõna, ba si mõi dania, samatõrõ fefu, hadia ia. Fama'ele'ö 1:8
    • Da'õ niw̃a'õ Yehowa, razo Ndraono Gizeraëli andrõ, sangorifi ya'ira, Yehowa ngahõnõ andrõ: Si fõfõna ndra'o ba safuria ndra'o, ba baerogu, ba lõ Lowalangi. Yesaya 44:6
    • ha sambua Lowalangi ba Amara fefu, yaw̃ara fefu, ba sanõrõ ya'ira fefu, ba ba dõdõra fefu. Efeso 4:6
    • Ba urongo, ba hulõ li zato, ba hulõ wegosogoso nidanõ sebua, ba hulõ we'ugu'ugu mbanua, sabõlõbõlõ, lamane: "Haleluya, me no razo Zo'aya, Lowalangida andrõ, samatõrõ fefu hadia ia! Fama'ele'ö 19:6
  2. Samazökhi banua siyaŵa awö danö ( Khalik langit dan bumi )
    • 1 Ba mbõrõta so daroma li andrõ, ba khõ Lowalangi daroma li andrõ, ba taroma li andrõ, ba no Lowalangi, 2 khõ Lowalangi so ia ba mbõrõta, 3 khõnia mbõrõta hadia ia fefu. Sambalõ lõ'õ, si so, si tenga khõnia mbõrõta. Yohane 1:1-3
    • 1 Ba mbõrõta ifazõkhi Lowalangi mbanua si yaw̃a, awõ danõ, 2 Ba no si fakuyu manõ guli danõ ba si lõ õsi; ba manahanahae Geheha Lowalangi yaw̃a nidanõ, 3 Ba imane Lowalangi: Yamohaga! Ba mohaga. I Moze 1:1-3
    • He ya'ami, hana wa mimanõ? Niha gõi ndra'aga, si mane ya'ami, sangombakha khõmi turia somuso dõdõ, ena'õ mirõi waya andrõ, ba ena'õ mifuli ami khõ Lowalangi sauri, samazõkhi banua si yaw̃a, awõ danõ, awõ nasi, awõ nõsi fefu Halöŵö Zinenge 14:15
    • 24 Lowalangi andrõ, samazõkhi danõ'a ba õsinia, fefu, ba lõ i'onahia gosali nifazõkhi tanga niha, me no So'aya sorugo ia, ba So'aya tanõ; 25 tebai gõi tefosumange ia tanga niha, hulõ na moguna khõnia hadia ia, me no ya'ia zame'e ba niha fefu noso ba hanuhanu, awõ fefu hadia ia, 26 Ba moroi khõnia wa no dumadao fefu soi niha ba guli danõ ma'asagõrõ, si ha sambua bõrõta; ba no i'õtõ khõra mbongi, no ihõnagõ ihonogõi, awõ nola nahara andrõ. Halöŵö Zinenge 17:24-26
    • Moroi ba wamati aboto ba dõdõda, wa no taroma li Lowalangi wamazõkhi danõ'a, wa no tobali tenga moroi ba zoroma tumbu zoroma andrõ Heberai'o 11:3
    • Ha ya'ugõ, Yehowa; no ya'ugõ zamazõkhi banua si yaw̃a, banua si yaw̃a irugi ba wondrege, awõ ngahõnõ andrõ khõnia, ba tanõ, awõ nõsi guli danõ fefu, ba asi, awõ nosinia fefu, ba oi ya'ugõ zangorifi, ba no sangalulu khõoe ngahõnõ andrõ ba mbanua si yaw̃a. Nehemia 9:6
  3. Ya'o mamati khö Yesu Keriso So'aya ya'ita, ono Lowalangi si hasamösa ( dan kepada Yesus Kristus Tuhan kita )
    • Itema linia Toma, imane khõnia: So'aya ya'o ba Lowalangigu! Yohane 20:28
    • Si manõ sa wa'omasi Lowalangi nõsi guli danõ, no ibe'e Nononia andrõ si ha sambua, ena'õ lõ tekikõ dozi samati khõnia, ena'õ so khõra wa'auri si lõ aetu. Yohane 3:16
  4. nitema nina-Nia Maria khö Geheha ni'amoni'ö, Ono alawe ia ( yang dikandung dari Roh Kudus lahir dari anak dara Maria )
    • 18 Ba si mané wa'atumbu Yesu Keriso andrõ: Me no ifohu nina Yesu, Maria, Yosefo andrõ, me lõ sorudu ira na, ba terongo, manabina ia khõ Geheha ni'amoni'õ, 19 Ba ibõhõi manõ ia mena'õ Yosefo, soniha ya'ia, lõ i'ombakha'õ, me niha satulõ ia, lõ edõna i'ailasi, 20 Ba me ifatoutou tõdõnia da'õ, ba hiza, oroma khõnia mala'ika Zo'aya ba wangifi, imane: He Yosefo, ma'uwu Dawido, bõi ata'ufi wangai Maria andrõ, nihamõ; tabina andrõ, si so ba dalunia ba no moroi ba Geheha ni'amoni'õ. Matai'o 1:18-20
    • Ba itema linia mala'ika, imane khõnia: So dania Geheha ni'amoni'õ, ba ilumõ'õ ndra'oegõ fa'abõlõ Wondrege Zalaw̃a; andrõ gõi labe'e tõi ni'amoni'õ andrõ, si tumbu dania, Nono Lowalangi. Luka 1:35
    • khõ nono alawe, sinandra ndra matua, sotõi Yosefo, ma'uwu Dawido; ba tõi nono alawe andrõ, ba Maria. Luka 1:27
    • Ba imane Maria khõ mala'ika andrõ: He wisa lala da'õ, me lõ u'ila ndra matua? Luka 1:34
    • "Hiza, so dania nono alawe sanabina, ba madono ono matua, ba labe'e tõi nono andrõ "Emanu'eli', "awõda Lowalangi" geluahania, na la'ali [ba li niha]." Matai'o 1:23
  5. No manaögö huku Ia barö mbawa Wondrio Filato ( yang menderita sengsara di bawah pemerintahan Pontius Pilatus )
    • Ba me no alua mewele'õfa fakhe razo kaizaro Tiberio andrõ, me kumandru ba Yudaia Wondrio Filato, me salaw̃a ba Galilaia Herode, ba zi sagõrõ ni'o'õfa tanõ; ba me salaw̃a ba zi sagõrõ dalifusõnia Filifo, ba Gituraia ba ba danõ Darakhoniti, ba me salaw̃a ba zi sagõrõ zui Lisania, ba Gabilene; Luka 3:1
    • Ba ifalukha'õ Filato gere sebua, awõ zalaw̃a, awõ niha sato Luka 23:13
  6. teforöfa Ia, mate ba lako'o ( disalibkan, mati dan dikuburkan )
    • ba ya'aboto ba dõdõmi fefu ba ba dõdõ Ndraono Gizeraëli fefu: ba dõi Yesu, banua Nazareta, niforõfami, nisusugi Lowalangi, moroi ba ngai zi mate, ba dõi da'õ abe'e da'e, fõnami, Halöŵö Zinenge 4:10
    • Ba ato zombaso sura andrõ niha Yehuda, me no ahatõ ba mbanua naha andrõ, ba niforõfa Yesu, ba no mube'e li Heberaio ba li Ndrawa Roma ba li Ndrawa Heleni. Yohane 19:20
  7. No möi Ia ba mbanua niha tou ( turun ke dalam kerajaan maut )
    • ba sauri andrõ; ba no mate ndra'o, ba hiza, no auri ndra'o, irugi zi lõ aetu ba so khõgu wogoë ba wa'amate ba ba mbanua tou. Fama'ele'ö 1:18
    • 18 Noa sa gõi mate Keriso, zamuza, ba horõ andrõ, satulõ andrõ, salahi zi lõ atulõ, ena'õ i'ohe ita ba Lowalangi; nibunu sa na dali mboto, ba ni'orifi dali Geheha, 19 ba da'õ dali, ba we'amõinia ba wangombakha ba mbekhu ba gurunga I Fetero 3:18-19
  8. No maoso Ia moroi ba ngai zi mate, me no irugi tölu ngaluo ( Dan pada hari yang ketiga bangkit pula dari antara orang mati )
    • 2 nifafabu'u'õnia fõna ba zama'ele'õ andrõ khõnia, ba zura ni'amoni'õ, 3 turia Nononia andrõ. Ma'uwu Dawido ba nga'õtõ niha, 4 nifataro Ono Lowalangi, nibe'e fa'abõlõ, dali Geheha ni'amoni'õ, moroi ba wemaoso moroi ba ngai zi mate: Yesu Keriso, So'aya ya'ita. Roma 1:2-4
    • Sara wongi aefa zabato, ba mõi ba lewatõ Maria andrõ, banua Magadala, ihulõ wongi, me ogõmigõmi na, ba i'ila, no laheta gowe andrõ ba lewatõ. Yohane 20:1
  9. No manahae Ia, möi ba Zorugo ( naik ke surga )
    • Imane khõnia Yesu: Bõi babaya ndra'o, lõ'õ na si mõi ndra'o yaw̃a khõ Namagu. Ba ae ba dalifusõgu andrõ, ba w̃a'õ khõra: Mõido yaw̃a khõ Namagu, ba khõ Namami, khõ Lowalangigu, ba khõ Lowalangimi. Yohane 20:17
    • 49 Ba ufatenge ba khõmi nifabu'u Namagu andrõ; ba ya'ami, ba sahono ba mbanua, irege no te'abõlõ'õ ami fa'abõlõ andrõ moroi si yaw̃a, 50 Ba i'ohe ira baero, irugi tánõ ba Mbetania andrõ, ba ifazaw̃a dangania, ifahowu'õ ira, 51 Ba barõ wamahowu'õnia ya'ira, ba aheta ia khõra Luka 24:49-51
  10. dumadao ba gambölö Lowalangi Ama, si lö ambö fa'abölö ( duduk di sebelah kanan Allah, Bapa Yang Maha Kuasa )
    • Ba tafaigi zolohe andrõ, ba samo'ahonoa famati, Yesu, si no manaha rõfa andrõ, salahi wa'omuso dõdõ andrõ, si no so fõnania, si no mangositengagõ fa'aila, ba si no mudadao ba gambõlõ dadaoma Lowalangi andrõ. Heberai'o 12:2
    • Ba me aefa fahuhuo khõra Zo'aya, ba tefazaw̃a ia miyaw̃a ba zorugo, ba mudadao ia ba gambõlõ Lowalangi. Mareko 16:19
  11. I'otarai da'ö mangawuli Ia dania, ba wanguhuku niha sauri awö zi no mate ( Dan dari sana Ia akan datang untuk menghakimi orang yang hidup dan yang mati ).
    • Hulõ gari mbanua sa si otarai gatumbukha luo, sihaga, irege gaekhula, simanõ dania wa'aso Nono Niha andrõ. Matai'o 24:27
    • Lõʼõ sa gõi ihuku niha Ama, noa sa ibeʼe khõ Nono wanguhuku andrõ fefu,' Yohane 5:22
  12. Ya'o mamati khö Geheha ni'amoni'ö ( Aku percaya kepada Roh Kudus )
    • Na so zanolo andrõ, nifatengegu khõmi dania, si oroi khõ Nama, Eheha si duhu andrõ, si otarai Nama, da'õ zamaduhu'õ ya'o Yohane 15:26
    • 30 Ba bõi mibusi dõdõ Geheha ni'amoni'õ andrõ, fangaromi, ba luo wangorifi andrõ, 31 Fefu ngawalõ wotõtõisa, ba fa'abao dõdõ, ba fõnu ba faguaguasa, ba fanandraw̃a, ba yatebato khõmi, awõ fefu, hadia ia zi lõ sõkhi, 32 Ba faoma mihaogöhaogõ khõ nawõmi, faoma mihakhõsi tõdõ, faoma mibe'e aefa zala nawõmi, si mane fangefa'õ Lowalangi khõmi gõi, ba khõ Keriso Efeso 4:30-32
  13. ba ufati ha sambua banua niha Keriso, ba fa'awösa niha ni'amoni'ö ( Gereja Yang Kudus dan Am Persekutuan orang Kudus )
    • Me moroi khõnia, wa no faoma so khõda lala khõ Nama, ha sambua Geheha. Efeso 2:18
    • Faoma mi'onoro noro dõdõ nawõmi, ba no mi'o'õ goroisa Keriso andrõ. Galatia 6:2
  14. Fangefa horö ( Pengampunan dosa )
    • Andrõ ya'aboto ba dõdõmi, ya'ami, ira talifusõ, te'ombakha'õ khõmi wangefa horõ, soroi ba da'õ; Halöŵö Zinenge 13:38
    • Ba ba zi tenga balazi mbuabua, samati khõ zanguma'õ satulõ zi no mangerogõ Lowalangi mege, khõnia tebe'e fa'atulõ dõdõnia wamatinia andrõ. Roma 4:5
    • Si ndruhu daroma li andrõ ba sinangea tafonaha manõ, wa no mõi ba guli danõ Keriso Jesoe, ba wangorifi si so horõ; sebuara ndra'odo. I Timotiu 1:15
  15. ba femaoso mboto zi mate ( Kebangkitan orang mati )
    • Imane khõnia Yesoe: Ya'odo wemaoso ba fa'auri, samati khõgoe, ba auri, he w̃a'ae mate ia. Yohane 11:25
    • 16 Ya'ia dania, So'aya, zi mõi mitou, moroi ba zorugo, na so we'ao andrõ, na mu'ao zatua mala'ika andrõ, na tefolī dorofe Lowalangi andrõ, ba ofõna maoso zi no mate andrõ, ba khõ Keriso, 17 Awena dania tefazaw̃a ita, ya'ita sauri, si tosai, ba lawuo, fao ita khõra, ba wamaondragõ So'aya, ba dalu mbanua; ba tobali awõ Zo'aya ita, si lõ mamalõmalõ. I Tesalonika 4:16-17
  16. ba fa'auri si lö aetu. Yaduhu. ( Dan hidup yang kekal ) Amin
    • Lõ mõi zanagõ, na tenga ba wanagõ ba ba wamunu ba ba wamakiko. Ba da'õ mõi ndra'o, ena'õ so khõra wa'auri ba ena'õ fahõna khõra hadia ia andrõ. Yohane 10:10
    • Imane khõnia Yesu: Ya'odo wemaoso ba fa'auri, samati khõgu, ba auri, he w̃a'ae mate ia. Yohane 11:25

Gohe-GoheSunting

  1. "Docplayer.info/38155907","TATA GEREJA BANUA NIHA KERISO PROTESTAN (BNKP) - Pasal 9 Hal 4
  2. https://batam.tribunnews.com/2020/10/03/pengakuan-iman-rasuli-dalam-3-bahasa-daerah-ada-bahasa-batak%7C Diakses 11 Mei 2021 pukul 18.33
  3. Yukristen, "18 Ayat Alkitab tentang Pengakuan Iman Rasuli", Yukristen.Com, mufaigi me 11 Mei 2021, 21:50